[ مقالة ] : في حالة اذا لم يتعرف الجهاز علي الفلاش ميموري

بسم الله الرحمن الرحيم .

السلام عليكم ورحمة الله وبركاتة .

اذا لم يتم التعرف علي الفلاش ميموري علي اي جهاز و تاكدت ان العيب في الفلاشه و اعطت صورة كهذه :

http://img218.imageshack.us/img218/4814/22886164.png

طبعا في الحالة دي البيد و الفيد يساوي 0000 او صفر بالعربي يعني الكمبيوتر مش عارف يحدد ايه ده!

طيب الحل هيبقى ازى ؟؟

كل فلاشة فيها حاجه اسمها chip controller.
دا بينظم نقل الداتا بين الكمبيوتر و الفلاش ميموري و في نفس الوقت بيدير الfirmware
وفي جزء من ال firmware بيكون مكتوب في ال memory chip

ممكن في حالات اختلال الكهربة او النزع الخطا و حالات اخري بيحصل انهيار في firmware controller
فلما تيجي توصل الفلاشه لا يستجيب لاوامر الويندوز !

نتيجه الخلل ده متنوعه ممكن يدي
disk is write protected
size 0 mb
raw format
الاخطاء السابقه غالبا بيكون الجهاز قاري البيد و الفيد فطريقه الموضوع المذكور بتنفع معاها بس لو نتجا عن الخطا ان الفلاشه بقت
unknown device
في الحالة دي الجهاز مش عارف اصلا ايه ده فالحل هنا كما قرات انك هتفك الفلاشه و تحاول تعدي القفله اللي حصلت دي
اولا الفلاشه من جوه غالبا بتكون كده :

http://y2u.co.uk/Knowledge_Informati...sh_Drive_1.jpg

http://img14.imageshack.us/img14/6720/usbinside.jpg

ال chip controller عادة علشان يشتغل مظبوط بيطلب داتا معينه من memory chip
اللي احنا هنعملة نعمل كوبري بالانجلبزي shot circuit
يعني هنحاول نشغل ال controller بدون ما يعدي علي ال memory
ازاي
من الرسمة اللي فوق ومعظم الفلاشات كده ال memory chip له 48 رجل
و قبل ما حد يحسدني طبعا انا معدتشي هما قولو كده
بص و دقق كده

http://img16.imageshack.us/img16/6637/chipa.jpg

ازاي بنعدهم
لو تاخد بالك في دابرة فوق علي الشمال كده دي بتكون جنب رقم 1
و بعدين بننزل من فوق لتحت عكس عقارب الساعه

اريحك بص علي الصورة دي احسن :

http://www.flashboot.ru/uploads/news/fuse_mem/mem.png

جميل جدا
و بعد كده
قبل ما توصل الفلاشه بالجهاز وصل بين الرجل 29 و 30 بابرة مثلا
وبعدين وصلها بالجهاز احتمال كبير انه هيقراها ان شاء الله
وفي شيبات لازم توصل ارجل تانيه 30و 31
31و32
41و42
43و42
44و43
وفي فلاشات زي الحمرا اللي فوق دي بيكون فيها حاجه اسمها test points لنفس الغرض

و نقطة تانيه ماتقعدشي موصل الرجلين كتير يعني مجرد ما الجهاز يشوف الفلاشه
و في واحد قال انك ممكن توصل الفلاشه الاول و الجهاز طبعا مش هيعرفها و بعدين توصل لمجرد لحظة بين الرجلين فهتلاقي الاستجابة فورية ان ماكنشي غير مكان التوصيل و متهيالي الطريقه دي احسن و اامن


طيب الفلاشه اشتغلت ــ قول يا رب ــ و بعدبن هقعد كل مرة اوصل بابرة لا طبعا
هي لو اشتغلت يعني الجهاز هيشفها المرادي و هيتعرف عليها تقوم واخدها و مفرمتها علشان تفك القفلة سبب البلاوي دي .

ملحوظه في فلاشات عدد الارجل مختلف و فلاشات فيها اكتر من memory chip
الطريقه ناجحه برضه بس اماكن التوصيل هي اللي هتختلف كليا
الطريقه السابقه لل ميموري شيب ذو 48 رجل .

{الموضوع بقلم mahmoud_abdou - منتديات المشاغب}

والسلام عليكم ورحمة الله وبركاتة .